Міліцыя ўжо "адкатала" пальчыкі ў 1 мільёна 740 тысяч беларусаўЕўрарадыё Па словах праваахоўнікаў, штотыдзень выяўляецца ад 50 да 100 супадзенняў адб

Еўрарадыё

Па словах праваахоўнікаў, штотыдзень выяўляецца ад 50 да 100 супадзенняў адбіткаў пальцаў па злачынствах мінулых гадоў.

1 мільён 740 тысяч беларусаў ужо прайшлі абавязковую дактыласкапію. "Адкатаць" пальчыкі засталося ў 450 тысяч ваеннабавязаных мужчын.

Як інфармуе аддзел інфармацыі брэсцкай міліцыі, штотыдзень па напрацаванай базе выяўляецца ад 50 да 100 супадзенняў адбіткаў пальцаў па злачынствах мінулых гадоў. На сённяшні дзень крыміналісты выявілі больш за 7 тысяч такіх супадзенняў. З іх 63 па забойствах, 106 па цяжкіх цялесных пашкоджаннях, 304 па рабаўніцтвах і каля 6 тысяч па крадзяжах.

Нагадаем, з 21 красавіка гэтага года дактыласкапія стала абавязковай для мужчын з 18 да 55 гадоў. Чакаецца, што яе павінны прайсці амаль 2 мільёны 200 тысяч чалавек. Між тым, пальчыкі пачалі "адкатваць" адразу пасля ліпеньскага выбуху ў Мінску ў 2008 годзе.

http://old.euroradio.fm/by/1380/news/55585/